2011-01-06 (RFA)
တရုတ်အစိုးရ ရေနံကုမ္ပဏီက မြန်မာနိုင်ငံ အလယ်ပိုင်းမှာ သဘာဝဓာတ်ငွေ့နဲ့ ရေနံစိမ်း အမြောက်အမြား တွေ့ရှိတယ်လို့ မြန်မာအစိုးရပိုင် သတင်းစာတွေမှာ ဖော်ပြထားပါတယ်။
မြန်မာနိုင်ငံ၏ ရေနံနှင့် သဘာဝ ဓာတ်ငွေ့ တူးဖော်ထုတ်လုပ်မှု လုပ်ငန်းများတွင် တရုတ်ကုမ္ပဏီများ ရင်းနှီးမြှုပ်နှံနေခြင်းကို မြန်မာနိုင်ငံမှ တိုင်းရင်းသားများ အိန္ဒိယ နိုင်ငံ နယူးဒေလီမြို့တွင် ၂၀ဝ၉ အောက်တိုဘာ ၂၈ ရက်နေ့က ဆန့်ကျင်ဆန္ဒပြနေပုံ ဖြစ်ပါသည်။ (Photo: AFP)
တရုတ်ရေနံကုမ္ပဏီ SIPC ဟာ အာရှထိပ်တန်း ရေနံချက်စက်ရုံတွေ ပိုင်ဆိုင်သူဖြစ်ပြီး တရုတ်ပြည်ရဲ့ နှစ်စဉ်စီးပွားရေးတိုးတက်နှုန်း ၁၀% ကို ပြည့်မီအောင် ရေနံလိုအပ်ချက် ၅% ကနေ ၆% အထိ လာမဲ့ ၅ နှစ်အတွင်း ဖြည့်ဆည်းပေးနိုင်ဖို့ လျာထား ဆောင်ရွက်နေတာ ဖြစ်ပါတယ်။
လက်ရှိအနေနဲ့ မြန်မာနိုင်ငံမှာ ရင်းနှီးမြှုပ်နှံမှု အများဆုံးနိုင်ငံဟာ ထိုင်းနိုင်ငံဖြစ်ပြီး တရုတ်နိုင်ငံအနေနဲ့ လာမဲ့ ၂၀၁၃ မှာ သဘာဝဓာတ်ငွေ့ အများဆုံး ဝယ်ယူတဲ့ နိုင်ငံ ဖြစ်လာနိုင်တယ်လို့ သိရပါတယ်။
မြန်မာနဲ့ တရုတ် နှစ်နိုင်ငံ သဘောတူညီချက်အရ ရခိုင်ကမ်းလွန်ရေနံ လုပ်ကွက် ၂ ခုကနေ ဓာတ်ငွေ့များ ဝယ်ယူခွင့် ရရှိထားပါတယ်။ အဲဒီ ရခိုင်ကမ်းလွန်လုပ်ကွက် A-1 နဲ့ A-3 တို့ဟာ သဘာဝဓာတ်ငွေ့ ကုဗပေ ၁၀ ထရီလျံအထိ ရှိနိုင်တယ်လို့ တွက်ချက်ထားတဲ့ နေရာများ ဖြစ်ပါတယ်။
Artikel Terkait:
0 comments:
Post a Comment