2010-12-19 (RFA)
ထိုင်း၊ တရုတ်နဲ့ အိန္ဒိယ သုံးနိုင်ငံနယ်စပ်မှာ နယ်စပ် ကုန်သွယ်ရေးစခန်း ၇ ခု ထပ်မံ တိုးချဲ့ ဖွင့်လှစ်သွားမယ်လို့ မြန်မာစစ်အစိုးရ စီးပွားရေးနဲ့ ကူးသန်းရောင်းဝယ်ရေး ၀န်ကြီးဌာနက တရားဝင် ကြေညာလိုက်ပါတယ်။မူဆယ်မြို့အနီး တရုတ်-မြန်မာ နှစ်နိုင်ငံနယ်စပ်တွင် စိုက်ထူထားသည့် သတိပေးဆိုင်းဘုတ်။ (Photo: AFP)
အိန္ဒိယနိုင်ငံနဲ့ နယ်စပ်ကုန်သွယ်မှု တိုးချဲ့ဖို့ မြန်မာနိုင်ငံဆိုင်ရာ အိန္ဒိယသံအမတ်ဟာ ဒီဇင်ဘာ ပထမပတ်က တမူးနယ်စပ်ကို သွားရောက်ခဲ့တယ်လို့ စီးပွားကူးသန်း ၀န်ကြီးဌာနရဲ့ အင်တာနက်စာမျက်နှာမှာ ဖော်ပြထားပါတယ်။
ဒါပေမယ့် ထိုင်းနိုင်ငံနဲ့ အဓိက ကုန်သွယ်ရာ မြ၀တီနယ်စပ် ကုန်သွယ်စခန်းကိုတော့ မြန်မာစစ်အစိုးရက ပိတ်ထားဆဲပါ။ မြန်မာစစ်အစိုးရဟာ ဒီကိစ္စနဲ့ ပတ်သတ်ရင် အကဲဆတ်လွန်းတာမို့ ထိုင်းနိုင်ငံဘက်ကလည်း မြ၀တီနယ်စပ် ပြန်ဖွင့်ဖို့ မညှိနှိုင်းဘူးလို့ ထိုင်း စီးပွားရေးသံမှူး Mr. Parjub Supinee က ပြီးခဲ့တဲ့ ကြသပတေးနေ့က ရန်ကုန်မှာ ပြုလုပ်တဲ့ ထိုင်းကုန်စည်ပြပွဲမှာ သတင်းထောက်တွေကို ပြောကြားခဲ့ပါတယ်။
Artikel Terkait:
0 comments:
Post a Comment